Çfarë është birësimi në largësi?

Birësimi në largësi është një veprim solidariteti që iu garanton një ndihmë ekonomike fëmijëve të mitur, të cilët bashkë me familjaret e tyre jetojnë në vendet e varfra, në mënyrë që ata të kenë gjërat kryesore, arsimin si dhe kurimet mjekësore që mund t’u nevojten.

Nga shtatori i vitit 1998 Komuniteti Sant’Egidio nisi një projekt për birësimin në largësi dhe ka hapur një zyrë që merret posaçërisht me këtë punë

Çfarë parashikon birësimi në largësi?

Birësimi në largësi parashikon qoftë një ndihmë në dobi të çdo fëmije të veçantë qoftë një ndihmë në dobi të një grupi të fëmijëve:

Birësimi në dobi të çdo fëmije të veçantë i drejtohet vetëm një individi dhe mund të trajtojë aspekte të ndryshme të jetës së tij, si p. sh.:

Birësimi në dobi të një grupi të fëmijëve i drejtohet një klase ose një strukture ku jetojnë ata. Në këtë rast mund të realizohet

Kush janë fëmijët që mund të birësohen?

Janë fëmijët në gjendje të vështirë të cilët, për shumë arsye, nuk mund të ndihmohen nga familjet e tyre dhe pikërisht për këtë kanë nevojë për një familje „birësuese“ që, së paku në largësi, t’u japë atyre mundësitë e nevojshme që të mirërriten, të kurohen, të mësojnë si dhe të integrohen në shoqëri

A mund ta njoh fëmijën që kam birësuar?

Sigurisht. Në së e dëshironi, mund të krijohet mundësia për një letërshkëmbim, me vizatime dhe fotografi, me fëmijën e birësuar.
Përveç kësaj, mund të shkoni në vend ku jeton fëmija për ta vizituar atë ose për të njohur nga afër projektin e birësimit në dobi të një grupi të fëmijëve.
Përfaqësuesit tanë në vend do t’ju krijojnë çdo lloj mundësie për t’u takuar më fëmijët.

Sa kohë do të zgjatet birësimi në largësi?

Birësimi në largësi nuk ka afat kohor, prandaj ai konsiderohet si birësim i mirëfilltë: ka mundësi të zgjatet deri sa fëmija do të rritet dhe do ta arrijë moshën madhore kështu që do të jetë në gjendje për t’u kujdesur për veten e tij.

Mëgjithatë, birësimi në largësi mund të ndërpritet pa asnjë lloj detyrimi. Është e nevojshme vetëm që shoqata të paralajmërohet 3 muaj para, në mënyrë që për fëmijën të gjendet një birësues tjetër.

Çfarë duhet të bëj unë?

Birësimi në largësi është diçka krejt e thjeshtë. Fillimisht

- mund të kërkoni broshura rreth mundësive të ndryshme për të birësuar një fëmijë. Pastaj:
- zgjidhni llojin e birësimit që ju parapëlqen
- përpiloni formularin e kërkesës për birësim
- firmosni atë dhe postojëni tek adresa e mëposhtme:

Komuniteti Sant’Egidio
Birësime në largësi
Piazza S.Egidio 3/a, 00153 ROMA

ose dërgojëni me faks tek numri 39.6.5800197

Do të merrni në shtëpi materialin e duhur. Në se birësimi do të jetë në dobi të një fëmije të veçantë, do të merrni edhe fotografinë e fëmijës, të dhënat e tij si dhe informacionet e para mbi atë.
Ndërsa bëhet fjalë për një birësim në dobi të një grupi të fëmijëve, do të merrni fotografinë e klasës ose të grupit të fëmijëve që keni ndër mend të birësoni, si dhe njoftime përkatëse. Sipas vendit të zgjiedhur, do të merrni edhe një skedë të shkurtër ku paraqiten informacione mbi vendin e origjinës së fëmijës.

Përfundimisht, mund të derdhni paratë sipas afateve periodike që vetë do të caktoni, duke përcaktuar emrin e fëmijës të birësuar ose të strukturës që doni të ndihmoni.

Cilat informacione do të marr unë?

Çdo 6 muaj do të merrni një azhurnim informacionesh mbi fëmijën ose mbi fëmijët që do të birësoni. Për më tepër, do të keni informacione edhe për përdorimin që u bë për paratë e derdhura

Çdo vit do të merrni një fotografi të re të fëmijës, kështu që mund të vërtetoni sa do të rritet.

Sa kushton birësimi?

Kostot ndryshojnë në lidhje me birësimin dhe me vendin e zgjiedhur.
Më poshtë do t’ju japim kostot mujore në lidhje me çdo vend. Paratë mund të derdhen qoftë një herë në vit qoftë sipas menyrave që mund të përcaktohen nga vetë ju.

BREGU I FILDISHTË
Birësimi shkollor në dobi të një fëmije të veçantë: Euro 7,75
Birësimi në dobi të një fëmije të veçantë: Euro 23,24
Birësimi për të gjithë familjen e fëmijës: Euro 33,57
Birësimi në dobi të një grupi të fëmijëve: Euro 12,91

UKRAINË
Birësimi në dobi të një fëmije të veçantë: Euro 25,82
Birësimi në dobi të një grupi të fëmijëve: Euro 12,91

KAMBOXHIA
Birësimi në dobi të një fëmije të veçantë: 15 USD ose Euro 15,50
Birësimi në dobi të një grupi të fëmijëve: 10 USD ose Euro 10,33

MOZAMBIK, GUINE KONAKRI, MADAGASKAR, SALVADOR, SHQIPËRI
VIETNAM, BURKINA FASO
Birësimi në dobi të një fëmije të veçantë: Euro 25,82

A janë të zbritshme shumat e derdhura?

Në Itali po. Mjafton të ruhet kopja e derdhjes dhe çdo vit t’i bashkangjitet dokumentave që duhen paraqitur për të kryer pagesën e taksave.